Universitetet ne Shqiperi :: Sa universitete i duhen Shqipërisë?

Autori: olti
Subjekti: Sa universitete i duhen Shqipërisë?
Postuar: Mer Shk 21, 2007 10:25 pm (GMT 0)

Tani për tani kemi 26 institute të arsimit të lartë. Këtyre mund ti shtohet së shpejti edhe Universiteti Myzeqeja!
*******************************

Në mbledhjen e sotme të qeverisë Kryeministri u shpreh ndër të tjera se Premtuam Universitetin Myzeqeja dhe, zoti ministër i Arsimit, vitin që vjen ky universitet do të jetë realitet. Hollësi të mëtejshme mbi këtë nismë të qeverisë nuk di dhe nuk është asnjëherë mirë të kritikosh diçka menjëherë por këtë herë ama do të bëj një përjashtim sepse Universiteti Myzeqeja s’është gjë tjetër veçse vazhdimi i një inflacioni akademik që u fillua në ethet e fushatës zgjedhore të 2005-ës nga qeveria Nano dhe që u vazhdua më pas nga qeveria Berisha. Është një nismë e cila vazhdon të nxjerrë në tregun e punës gjithnjë e më njerëz të diplomuar por të cilët do të kenë në duar diploma të një cilësie të ulët, diploma që nesër pasnesër s’do tu vlejnë për gjë.

Sa universitete ka vendi ynë tani për tani? Hmmm, pyetje interesante. Gjithsej universitete të përgjithshme kemi në Tiranë, në Shkodër, në Elbasan, në Korçë, në Vlorë, në Gjirokastër e në Durrës. Por përveç këtyre kemi edhe Politeknikun dhe Bujqësorin në Tiranë së bashku me Akademinë e Arteve dhe atë të Edukimit Fizik po në Tiranë. Gjithsej kemi 11 institute publik të arsimit të lartë. Përveç këtyre kemi gjithashtu edhe 15 institute private të mësimit të lartë të cilat janë hapur vitet e fundit, dmth gjithsej, publikë e privatë kemi 26 institute të arsimit të lartë. E këtyre 26-ve do tu shtojmë së shpejti, apo së largëti, edhe Universitetin Myzeqeja….

Këto universitete, njësoj si ligjërimi i pronësisë mbi tokën të të shpërngulurve nga zona të ndryshme të vendit s’janë gjë tjetër veçse një përpjekje e qeverive tona për të fituar ca vota më tepër për zgjedhjet e ardshme. Është qesharake që në vend që të përqëndrohen ato burime të pakta të shtetit në disa shkolla kryesore e ti lihet vend privatit për të përmbushur nevojën e të tjerëve shteti vazhdon të hapë institute të arsimit të lartë sikur po hap kurse për luftimin e analfabetizmit. Jemi në vitin 2007, s’mund të ecim më përpara me shkolla gjysmake.

-----------------------------------

Lista e institucioneve të arsimit të lartë nga faqja e Ministrisë së Arsimit dhe Shkencës:

Lista e Institucioneve të Arsimit të Lartë Publik

1. Universiteti i Tiranes
Tirane
Web: www.unitir.edu.al

2. Universiteti Politeknik
Tirane
Web: www.upt.al

3. Universiteti Bujqesor i Tiranes
Kamez, Tirane
Web: www.ubt.edu.a

4. Universiteti “Luigj Gurakuqi”
Shkoder

5. Universiteti “Aleksander Xhuvani”
Elbasan
Web: www.uniel.edu.al

6. Universiteti “ Fan S. Noli”
Korçe
Web: www.unkorce.edu.al

7. Universiteti “Ismail Qemali”
Vlore

8. Universiteti “Eqrem Çabej”
Gjirokaster
Web: www.uogj.edu.al

9. Akademia e Arteve
Tirane
www.akademiaearteve.edu.al

10. Akademia e Edukimit Fizik dhe Sporteve “Vojo Kushi”
Tirane

11. Universiteti "Aleksandër Moisiu"
Durrës
Website: www.uamd.edu.al

Lista e shkollave te arsimit te larte privat te licensuara ne Shqipëri:

1. Shkolla e lartë “New York University-Tirana”

2. Shkolla e lartë “Luarasi”, Tirane

3. Shkolla e lartë “Universiteti Ufo Dental”, Tiranë. www.ufouniversity.org

4. Shkolla e lartë “Universiteti Zoja e Këshillit të Mirë”, Tiranë, www.unizkm.edu.al

5. Shkolla e lartë “Marubi”,Tiranë

6. Shkolla e lartë “Universiteti Marin Barleti”

7. Shkolla e lartë “Universiteti Kristal”, Adresa: Përgjatë autorstradës Tiranë-Durrës, kilometri 5, www.universitetikristal.edu.al

8. Shkolla e lartë “Justiniani i Parë”

9. Shkolla e lartë “Sevasti dhe Parashqevi Qiriazi” Kamëz, Tiranë.

10. Shkolla e lartë "Universiteti Europian i Tiranës", Tiranë www.universitetieuropian.com

11. Shkolla e lartë“Justicia” Tirane

12. Shkolla e lartë “Aldent”, Tiranë

13. Shkolla e lartë “Medikadent”, Tiranë

14. Shkolla e lartë “ Wisdom University ”

15. Shkolla e larte “ UNIVERSITETI POLIS”,Tirane, www.universitetipolis.org
_________________
Heshtja perpiu gjurmet e historise.
Deti lagu malet e thau fushat nga heronjte e saj
http://olti.albstudent.eu

Commenti (0) add comment